Manchester United chuan Lecce left-back Patrick Dorgu lak luh tuma an beihna chu a hlawhtling tep a, an inching fel thei tep.
United-in kar hmasa khan Denmark international hi an lo dawr tawh a; mahse, hnawlsak an ni a. Kum 20 mi hi umzui zelin bazar theih hun tawp hma ngeia tihfel hman an inring a, medical tihfel hmaa inremna dang zawng zawng tihfel hman an tum.
Head coach Ruben Amorim chuan vei lama khel thei tur hi a mamawh a, an buaina ber a ni tih a lo sawi fo tawh thin.
Amorim-a hian a duhthlan hmasa berah Diogo Dalot a hmang thin a; mahse, Portugal international pawh hi dingkhawr a ni a, a hmang lui a ni ber.
Dorgu-a hian Serie A club Lecce hi kum 2022 khan youth player niin a zawm a, tun thlengin Italian club tan hian vawi 53 a inlan tawh a. September thla khan an ram tan vawi khat nan inlanin Nations League-ah Switzerland a hmachhawn a, tun thlengin vawi li a khel tawh.
Dorgu-a hi an la lut a nih chuan United hian an player neih sa zinga mi an hralh chhuah ngei a ngaih hmel a. Premier League-in a kalpui, profit and sustainability rules an bawhchhiat loh nan June 30 hma ngeia an inchin fel a ngai dawn a ni.