Aizawl: Kawlkulh Group YMA chuan thuchhuah siamin, dan phal loh, kuhva rah phurte avanga kawngpui a chhiat lohna turin an huam chhungah kuhva rah phur motor tlan phal a ni tawh lo tih an tar lang.
Thuchhuaha an tar lan danin, February 1, 2025-a Kawlkulh Group YMA Executive Committee chuan kuhva rah phurtu ten Kawlkulh leh a chhehvel kawng an hman dan ngun takin a ngaihtuah a. An huam chhung kawngpuiah tun lai hian kuhva rah phur lirthei lian leh te tam tham tak an tlan thin a, Kawlkulh – Hliappui inkar, tuna Balaji Pvt Limited ten PMGSY – III hnuaia an thawh mek hi tun dinhmunah kawng laih hna zawh fel thawhkhat a ni tawh a, hun reilote-ah kawng chhuat phah a ni tawh dawn nia hriat a nih vang leh Kawlkulh – Puilo kawng, SASCI hnuaia siam zawh thar te, Kawlkulh – Dulte inkar bypass avanga One Time improvement tih hmabak mek te chu tun ang zela kuhva rah phur motor ten an zawh chuan reilote-ah a chhe leh vat dawn nia a lan avangin, ngenna thuchhuah atanga thu leh awm hma chu kuhva rah phur lirtheite Kawlkulh Group YMA huam chhungah tlan phal a ni tawh lo a, an ngenna pawisa lova tlan lui an awm a nih chuan district thuneitute nena inbiakremna anga hmalak an tum thu an tar lang.