Aizawl: February 7-9, 2025 chhung hian Presbyterian Kohhran hnuaia pastor bial hrang hrangah Bial Hmeichhe Inkhawmpui neih a ni.
February 7, 2025 (Zirtawpni) zan khan Bial Hmeichhe inkhawmpui hi palai lawm leh report inkhawm neih a ni a. Inrinni nilengin Rorel a ni a. Inrinni zan atanga Pathianni zan thlengin vantlang pathian biak inkhawm a awm.
Inkhawmpui hman dan tur hi Bial Hmeichhe Committee-in ngaihtuahin a remchan dan anga hman thin a ni a, chuvang chuan bial hrang hranga inkhawmpui hman dan pawh a inang vek lo va, Bial thenkhatah thupui thlan bik neiin speaker ten an sawi thin a, bial thenkhatah chuan bial hruaituten an insawi chhawk chang pawh a awm thin. Kristian Chhungkua leh Buhfaithama inelna lawmman hrang hrang sem thin a ni bawk.