Lionel Messi chuan Major League Soccer club Inter Miami a zawm chhan chu Paris Saint-Germain nuam a tih loh lutuk vang niin a sawi.
Kum 37 mi Argentine footballer chuan France-a kum hnih a awm chhungin Ligue 1 title vawi hnih a lak bakah 2022-ah French Super Cup a la hman a, 2023-ah khan Ligue 1 club hi a chhuahsan a ni.
Messi chuan, “Paris khawpuiah khan boruak a fuh vak lo chho a, nuam ka tih loh avangin Inter Miami kha ka zawm ta a ni,” a ti.
“Barcelona ka chhuahsan hnuah kum hnih chhung PSG ah ka awm a, kha kum hnih chhung kha nuam ka ti lo hle a. Training te, kan inkhelh te kha nuam tih ka nei lo a, insiamrem kha harsa ka ti a ni,” a ti bawk.