Aizawl: February 28 – March 2, 2025 chhung hian Kristian Thalai Pawl (KTP) Rorel Inkhawm vawi 11-na chu Chawnpui Kohhran Biak Inah neih a ni.
February 28, 2025 zan khan palai lawm leh report inkhawm neih a ni. He hunah hian report pathum – General Secretary report, Finance report leh Bial report khaikhawmna ngaihthlak a ni a. KTP Kumpuan hawn leh hlanna neih a ni bawk.
March 1, 2025 (Inrinni) nilengin Rorel inkhawm neih a ni a, Nimin, Pathianni chawhma, chawhnu leh zanah te vantlang Pathian biak inkhawm neih a ni a. Nizan khan rorel inkhawm hi a tiak.
KTP Rorel inkhawm chuan kum 2026-27 Kumpuan thupui atan ‘Chhungril Takna’ an thlang a. An thurel zingah bial tinah Youth Recreattion Centre (YRC) pual budget siam leh tur tihte, Hospital Charity Fund pual, YRC pual leh chhawmdawlna pualin inkhawm thawhlawm lak tur tihte, ruihhlo do chhunzawm bakah khawlai rawngbawlna kalpui zui tur tihte a ni.
KTP Rorel Inkhawm vawi 12-na chu kum 2017 khian Kulikawn Kohhran-in a thleng dawn a ni.
March 2023 – February 2024 chhung report-a a lan danin, Central KTP hnuaiah branch 904 awmin member zawng zawng 1,71,404 (mipa 1,04,736 leh hmeichhia 66,668) an awm a ni.