Aizawl: Agriculture Minister PC Vanlalruata chuan tun hnaia Sailam leh Chamring khuaten an sawhthing hralh chungchanga social media-a thehdarh chu innghahna tling lo nia a hriat thu a sawi.
Assembly Session neih mekah nimin khan member-te zawhbelhna a chhannaah Agriculture Minister chuan, Reliance company chuan Sailam leh Chamring te chu sawhthing leisak turin an dawr a, farmer producer company (FPC) an nih angin share te nen engkim an insawi fel a. Matric tonne 10 an leisak a. A tha lo rawn lang mah se, a zawng zawng kha a chhia a ni lem lo tih sawiin, khaw pahnihte atanga sawhthing an leite chu Kolkata-a Teliance Store outlet hmun 131-ah Mizoram sawhthing an zuar tih report an dawn thu a sawi.
PC Vanlalruata chuan, “Sailam leh Chamring chungchanga social media-a darh reng reng hi innghahna a tling lo,” tih sawiin, sawhthing an lei chungchangah pawh hlawhtlinnate chu hlawhtling lo tur zawngin beihna an tawk nasa tih a sawi a. Farmer-re rilru chhe vek anga lo darh a nih avangin hrehawm pawh an tih thu a sawi a. Kuthnathawktute chhan tlat an tum thu leh, thil kal fuh lo a awm avangin farmer te dem ngawt tur an nih loh thu a sawi a.
Inzirtir an ngai tih sawiin PC Vanlalruata chuan, “Regulated market-a an luh dawn chuan, sawhthingte pawh a grade thliarah tha taka tih chhoh hi chu kan kal kelzena turah kawng a awm tih hi hria se. Ni dangah fimkhur nan hmang se kan duh a. Tuna sawhthing lakkhawm Sairanga buyer-te’n an rawn lei mek a. An lei turte hi inspection neih tir vek a ni,” tiin, Sairang leh Chamring-te kha an hnualsawt lo va, an thlavang an hauh tlat zawk a. Nidangah pawh sorkar nena indawrna tha tak hmangin an sawhthingte hralh turin duhsakna a hlan a, sorkarin pawhin a pui zel dawn tih a sawi.