Indian state leh union territory 29 atanga mixed martial art fighter kalkhawmte inelnaah Mizoram fighter 14 inlante chuan result tha tak neiin gold medal pasarih an lak nen 3-na an ni.
Zirtawpni atanga Indore, Madhya Pradesh-a 9th MMA India National Championship khelh hi Thawhtanni khan zawh fel niin Mizoram State Mixed Martial Arts Association (MISMA)-in Mizoram aiawha tirh fighter-te hian gold medal bakah silver pahnih leh bronze pakhat an la a, 5-na dinhmun luahtu pali an awm bawk.
Tun tum championship-ah hian champion-te hian rangkachak thi an dawng tel vek a, state khat atangin weight khatah mi pahnih aia tam lo a tel theih angin MISMA hian inang a tir nual a ni.
MISMA hian professional fighter a chher chhuak zel a, tunah hian Nazareth Lalthazuala leh Lalzarmawia ten hlawhtlinna an neih chhoh bakah professional figher pathum dang a chher chhuak leh tawh.
Indore-a inelna kar laka Pathianni zana professional fight night, FOK-ah pawh main event-ah international bout India vs Azerbaijan a awm a, hetah pawh hian Mizo tlangval, LAlnunsanga Chhakchhuak chu India aiawha inlanin Azerbaijan fighter Ceyhun Rafiyev nen an intum a ni.
Gold medal latute:
- Lalramsangliana, Bawngkawn South, Aizawl U21 Feather
- N. Lalhruaizela, Tawipui South U21 Straw
- HMS Dawngzuala, Dawrpui, Aizawl Senior Light
- Israel Lalrinawma, Hunthar, Aizawl Senior Bantam
- Zachariah Vanchhawng, Zonuam, Aizawl Senior Welter
- David Lalmalsawma, Laipuitlang, Aizawl Senior Feather
- Benjamin C, Chhinga Vengthlang, Aizawl Youth-B Atom
Silver medal latute:
- Victor Siamliana, Saron Veng, Aizawl Youth-C Fly
- Emmanuel VL Awmpuia, Chanmari, Aizawl Youth C Straw
Bronze medal latu:
- Biaklawmthara, Electric veng, Aizawl Junior Fly
5-na:
- Alex Lalremruata, Tuikhuahtlang, Aizawl U21 Bantam
- Israelthangliana, Lawngtlai Senior Bantam
- Reuben Lalruatfela, Kulikawn West, Aizawl Junior Feather
- Elizabeth Kawngkharmawii, Electric veng, Lunglei U21 Atom
Coach: Lalrinawma
Official (Referee & Judge): Lalchhuanmawia