Aizawl: Central YMA Kumpuan Committee chuan eirawngbawlna gas tihchingpen lai bur 38 an man.
Tun laiin eirawngbawlna gas tihchingpen hluar ta nia an hriat avang leh gas buk tling lo a tam chho ta viau nia hriain, Central YMA Kumpuan Committee chuan Khamrang, Kawnpui leh a chhehvelah gas tihchingpen thin vengin tlaivara duty in, gas tihchingpen lai bur 38 an man.
Gas tichingpentu an man te hi thuneitute nena hma lak chhunzawm zel turin an hlan.
Central YMA Kumpuan chairman Prof. Lalnuntluanga, Central YMA Vice president ni bawk chuan, chhungkua tin deuh thawin an hman, an mamawh gas tihchingpen a la ni fo mai chu pawi a tih thu a sawi a. Hemi kawngah hian mipuite an than harh a, sual dona kawngah sorkar tha tichak turin YMA member, nu leh pa an tan tlan a pawimawh thu a sawi.