Aizawl: Special Court, ND&PA Act, Champhai chuan heroin hawng 21 neitua puh, C Lalengkima, Ruantlang, Champhai district chu thiam loh chantirin kum 10 lung in tang tur leh Rs nuai 1 chawi turin a hrem.
August 13, 2020 khan Champhai Police leh CID (Special Branch) tangdun chuan Champhai Ruantlang Farlui pengah C Lalengkima, Champhai Ruantluang nia insawi hnen atangin herion hawng 21 an man.
He thubuai hi Liansangzuala, Special Judge, ND&PS Act, Champhai chuan ngaihtuahin thu hretu hrang hrangte finfiahna atangin heroin neitua puh, C Lalengkima hi ND&PA Act, Section 21 (c) tlawhchhanin thiam loh a chantir a, hrem a nih dan hi April 11, 2025 khan court chuan puangin C Lalengkima hi kum 10 chhung lung in tang tur leh Rs nuai 1 chawi turin a chungthu a relsak a, a pawisa chawi tur hi a pe tla thei lo a nih chuan thla ruk dang lung in a tan belh leh dawn a ni.