Aizawl: Aizawl Two Wheeler Taxi Association (ATTA) chuan hnam dang two wheeler taxi khalh an awm leh awm lo dapchhuah an tum.
ATTA chuan Zarkawt Community Hall-a General Assembly 2025 an neih tum a, ‘Ram leilung fate’n an chanvo an humhim zelna turin hnam dang taxi khalh an awm leh awm loh dapchhuah nise’ tia an lo rel tawh bawhzuiin hma lak an tum a. Sawrkar thuneitute thawhpuina leh mipui thlawpna an dil nghal.
ATTA chuan two wheeler taxi khalha eizawnnaah hian ram leilung fa ni lote’n an eizawnna tawmpui ve an duh loh thu an sawi a. Ram lei lung fa ni lo, voter ID leh aadhar card pawh neilote bakah, India khua leh tui zingah ILP nei pawh, ILP-in a phut ang ni lote’n an eizawnna tawmpui an awm anih chuan thuneitute hnenah thlen zel an tum tih an sawi.
ATTA chuan mipuite pawhin pawhin ram leilung faten an chanvo an humhimnaah thlawp a, nakkin zel atana ram tana a ni tih hriatsak turin an ngen a. Ram leilung fa nilo, hetiang eizawnna kal puia hlawkna lo tel an hriat chuan a rang lama thuneitu te hnenah emaw, ATTA hnenah emaw hriattir turin an ngen bawk.