AZL: Mizo Zirlai pawl (MZP) chuan Delhi-a cham mek Mizoram larsap General Vijay Kumar Singh chu scholarship chungchangah hmalakpui tura ngenna lehkha an thawn.
Thuchhuaha an tar lan danin MZP chuan, scholarship sem thuai a nih theih nan theihtawpin hma a la thin a. 3rd Installment pawh Ministry of Tribal Affairs N. Delhi-ah dawrin a lo umzui tawh a. 4th Installment pawh sem thuai a nih theih nan union home ministry hnenah leh National Commission for Schedule Tribe Aizawl lo zin a sawipui tawh a ni.
Heng hmalaknate’n awmzia a neih hleih theih loh avangin, nimin tlai khan Delhi-a cham mek larsap Gen. VK Singh hnenah lehkha a thawn a. Theihtawpa Ministry of Tribal Affairs hotute nawr turin a ngen.
Tribal Scholarship (2023-2024) diltu hi zirlai 31,685 an awm a. Zirlai 26,909 ten dawng tawhin, dawng hmabak zirlai 4,027 an awm mek a ni.