Iron a tam a, naupai tan mamawh chhanna a tling. Thisen nei tlem tan phei chuan ‘ngei ngei’ a ni ringawt. Nu, naupai tan ei tam hma-in doctor remtihna lak a tha ang.
Pum pai nuam lo leh sawisel thinte tan Theihai hian dam na a pai. Amahah hian ‘digestive enzyme’ a awm a. Protein te tihsawm nan a banpui a ni a, chu chuan pum lama insawiselna chi hrang hrang tan tangkaina a nei tha hle.
Potassium a tam hle a, chu chuan BP sâng a ti-hniam thei. ‘Pectin’ an tih mai, thisena thau tha lo (cholesterol) tihniam thei tu a nei bawk a, ei ngei ngei chi a ni ringawt.
Rihna tihsan i duh maw? Ei leh In-ah khan Theihai la lut rawh le. ‘Calories’ leh ‘Carbohydrates’ a awm tha hle a, theirah tha chungchuang ti mai teh ang.
Zirchianna danga a lan dan phei chuan, Kal-a lungte awm thei tur lakah venhimna tha tak a thawk thei tih a la ni cheu.
Chinese mithiamte chuan – Thisen tlem, Hahni thi, Awmnâ, khawsik leh luakchhuakah te a thatna hi hmuchiang hle niin an sawi.
Vitamin E a awm a, hei hian mipat hmeichhiatnaa chak lo te nasa takin a pui thei a, taksa-a ‘sex hormones’ tichaktu berte zingah a tel pha tlat.