Aizawl: MZP General Headquarters exrended office bearers meeting nimina thukhawm chuan, Sericulture department hnuaia Sericulture demonstrator post pali hna lak dan chhui chiang tur Inquiry Committee din turin sorkar an ngen.
MZP Pisapui-a thutkhawm chuan Sericulture Demonstrator post pali hna lakah thil felhlel a awm ngeiin an hria a, mi thenkhatin Examination Hall-ah mobile phone keng lutin, Paper-I (English leh G.K) hi entawn an awm ngeiin a hria a. Hetianga hnalak dik lo hi exam beitu thenkhat ten complain mah se, kaltlangpui luih a ni a. Dik lo taka hnalak hi chhui chiang vat turin Sericulture Department hotute an ngen a, May 21, 2025 ral hma ngeia hnalak dan chhuichiang tur Inquiry Committee din turin sorkar an ngen bawk.
MZP chuan he hnalak hi, Mizoram Direct Recruitment (Conduct of Examination) Guidelines 2018; Sl. No. 24- Instruction to Candidate; Sl. No. 27- Dutes of Invigilator te nen inkalhah an ngaih thu an sawi.
MZP sawi danin, Sericulture department hnuaia thawk tur Sericulture Demonstrator post pali hi February 17, 2025 khan Advertisement tihchhuah niin, Level 4 pax matrix a ni a. Mi 41-te dilna pawm niin, mi 14-te hnawl an ni. April 8-9, 2025 chhung khan mi 38 te exam-in an zinga mi 32 te chu May 7, 2025 khan Personal interview tura koh an ni a. Heng mite atanga mi palite chu thlan chhuah an ni a. May 8, 2025 khan appointment pek fel an ni.