Aizawl: Mizoram sorkarin sawhthing quintal 1,13,637 lei tawhin, a hralh lehna atangin Mizoram Agricultural Marketing Board (MAMB) in Rs 6,34,63,875 a hmu let tawh bawk.
Nimina chief minister Lalduhoma hovin Sawhthing Slice Dry kalpui mek chungchang sawihoin CMO-ah an thukhawm a. He huna tar lan a nih danin, notified crop palite lei nan sorkarin MAMB-ah Rs. vbc 62.599 dah tawh a. MAMB hian sorkarin Rs. vbc 20 an dil belh leh mek. DAMC lama third release thlenga pawisa pek tawh chu Rs. 58,08,00,100 a ni.
Sawhthing lei tawh zat hi quintal 1,13,627 a ni a, a then hi direct purchase, a then support price hmanga lei an ni. An hralh lehna atangin MAMB hian Rs. 6,34,63,875 a hmu let ve tawh thung.
Tunah hian MAMB hian local entreprenuer 13-te chu Sawhthing Slice Dry kalpui turin a thawhpui a. Mizorama a sawngbawlna tur din duh, India ram chhung leh ram pawn firm parukte mamawh hi hriatsak a, an inbun duhna hmun te hriat a, a tul anga chak taka hmalak an rel a. A umzuitu tur bik committee an siam nghal.
Tun hnaia Bangladesh-a sawhthing market chungchang ngaihvena kal, Society pakhat report pawh meeting-ah hian an thlirho a ni.
Thutkhawmah hian PC Vanlalruata, Agriculture Minister, F. Rodingliana, Industry Minister, Dr. KC Lalmalsawmzauva, Adviser to CM-te an tel.