Aizawl: Synod Hospital, Durtlang chuan nimin khan Hospital leh Nursing college-a thawktu leh zirlai zawng zawngte tan, hmeichhiate tan a hnathawhna hmun him leh ralmuang siamna tur dan ‘The Sexual Harassment of Women at Workplace (Prevention, Prohibition and Redressal) Act 2013’ zirhona hun an buatsaih a. He workshop hian May 23, 2025 thleng a awh dawn.
College of Nursing Multipurpose Hall-ah zirhona buatsaih hawnna hun hi Dr. Lalnunnemi, Medical Superintendent, Synod Hospital-in a kaihruai a, Rev. Lalvulluaia, Sr. Chaplain in hunserh hmangin, Dr. RL Sanghluna, Director, Synod Hospital-in training a hawng.
Women & Child Development – Nodal Department lam chu zirtirna pe tura sawm an nih angin Flora Laltanpuii, Deputy Director & SNO (PoSH Act) in zirtirna a pe a ni.