Aizawl: Tuikum bialtu MLA PC Vanlalruata, Minister chuan Inrinni khan Tlungvel Higher Secondary School atanga HSSLC pass tharte lawmpuina hun a hmanpui.
Tlungvel Higher Secondary School-a hun hmanah bialtu MLA PC Vanlalruata chuan hlawhtling tharte a lawmpui thu sawiin, an hma hunah kawng thui tak zawh tur an la neih thu leh chumi atana inbuatsaih turin a chah a. Hlawhtling rih lote pawh beidawng lo turin a fuih.
Minister hian zirlai naupang pass tharte lawmpuinan lehkhabu leh pawisafai a pe a ni.
He hun hi Management Board Chairman R Liantluanga, VCP ni bawkin a kaihruai a, Board Secretary leh Principal ni bawk TC Lalremsiama leh K. Lalmuankima, Management Board Treasurer-te’n thu an sawi bawk.
Kum 2025 HSSLC Exam result chhuakah khan Tlungvel Higher Secondary School hian sikul naupang exam 27 zinga 25 ten hlawhtlinna an chang a ni.