Ha hi a that loh chuan hriselna hian a tuar ve thei em em a. Hahni te hi a Cancer ve theiin hemi avang hian nunna chân pawh Mizo zingah kan awm ve ta zauh zauh a, chuvangin ha hi kan taksa hrisclna atan kan hlamchhiah bik tur a ni lo.
- Ha enkawl ngun loh avanga buaina chhuak thei :
Chaw kan ei hian kan ha karah chaw them/sa them a tâng a. Hetiangah hian hrik (bacteria) an lo awmin ha chu tlem tlemin a ti chhe ta thin a. Ha chhung lam heng hrik hian a tih-chhiat bakah hahni a ei tawih a, hetianga hahni a lo tawih chuan ha a lo nget thuai a, a thlawn ta mai thin a ni.
Hei mai bakah hian thaw rimchhia a lo awmin mi zinga awmte a hrehawm phah thei a. Tin, kuhva ei mi leh meizial zu mi kan nih chuan kan ha te chu a sen in a eng thei bawk a ni.
- Engtianga Enkawl Chi Nge?:
Mi thiamte’n an chhut danin lei, dang lam hnaih atang hian thaw rimchhia hi a rawn intan ber a. Hemi avang hian lei tih faia ziah zeuh zeuh hi a tha. Ni tinin kan ziat thei lo a nih pawhin kar khatah vawithum tal chu ziat thei ila a tha awm e. Tin, dang a ro lutuk hian ka hi a rimchhe thei a. Hetiang anga dang a ro chuan tuisik tlem te te a lem reng hi a pawi lo.
Ha hi a tlangpui thuin nikhatah vawikhat kan nawtin hemi tum pawh hian minute khat pawh kan nawt ngai lova. Tih dan tha ber chu nikhatah vawihnih, chawei kham hian nawt ziah ila, tin, ngun taka nawt chungin minute 1 tal nawh a tha.
Toothbrush hi tam zawk chuan kan thlak hmain thla 6 te kan hmang thin a. Toothbrush-ah hian hrik an lo tawm ve theih avangin thla 3 kan hman tawh chuan a thar thlak zel a tha.
Ha nawh dan pawh hi hriat a ngai a. Pawngpaw nawh a, ha hmai a phei zâwnga 39 nawh ringawt hi a tawk lo va. A phei zawnga nawh ai chuan a chhuk leh chho, a kual zawng tea nawh hian a fai duh bik a. Tin, ha nawh reng rengin ha chhung lam nawh tel zel tur a ni. Hetianga tih chuan hrik lo tawm ru an awm thei lova, ha hian a that phahin ka rimchhe tur pawh a veng bik.
- Fimkhur tulna te:
Ha tuamtu ‘Enamel’ an tih hi tihchhiat a hlauhawm em em a. Chuvang chuan ha nawh pawh hian na lutuka nawh tur a ni lo. Tin, Toothbrush khauh lutuk hman pawh hian he ‘Enamel’ hi a tichhe thei a, toothbrush nem lutuk nisi lo khauh lutuk ni bawk si lo hi hman a tha ber.
Ha sawiselna nei deuh chuan dentist pana inentir vat hi a tha ber bawk.
- Nau pang te tan bik:
Naupangte hi nu leh pate’n kan zirtir loh chuan ha nawhna chang an hre mai thin lova. Kum 1 leh a chanve vel an nih, an ha a to atang hian ka tihfai hi zirtir ila. Hetiang hunah hi chuan an la tet avangin mouth wash ilo velin an kam ni khatah vawi khat tal thuahtir thin ila. Kum 2 leh a chanve vel an nih atangin toothbrush nem thei ang berin an ha nawh hi zirtir ila.
Tin, toothpaste lem hi a pawi lo nain kan toothpaste hman turah chuan doctor rawn a tha. Tichuan a hma a kan sawi tak ang khan tet lai atangin ha nawh hi minute 3 tal nawh a tulzia inzirtir ila, naupang pawh an upat deuh hnu-ah ha na an sawi lo nge nge a ni.