Kum tina neih thin Cannes Film Festival vawi 78-na chu May 18 khan neiin, hemi tum hian Jennifer Lawrence leh Robert Pattinson te thian dun chuan media mite zawhna chhangin, nu leh pa nih hnua an nun danglam dan an sawi chhuak.
Lawrence leh Pattinson te thiandun hian thlalatute mit an la dunin, an mawi dun hle a, kum 34 mi Lawrence-i chuan, ‘Fa neih ka neih chiah khan ka engkim a danglam vek a, rinphak bakin ka nun a danglam a ni,’ tia sawiin, a pasal Cooke Maroney nen fapa kum 3 mi Cy leh naute pianghlim an nei mek a ni.
Kum 39 mi Pattinson-a pawhin, fanu kum 1 mi Suki Waterhouse nei mekin, an naute neih chuan nasa taka a tihchak thar thin thu leh infuih nan ber a hman thin thu a sawi a, energy danglam tak a ni ber,’ a ti ve bawk.
Hetih lai hian an pahnih chuan hmeichhia leh mipa an nih avangin fa an enkawl dan leh an hmangaih dan chin erawh a inang diak diak lo thung niin an sawi ve ve a, an thiandun chuan hmeichhe rilru leh mipa rilru sawi an nih avangin an chakna hnar erawh an fate chu an ni ve ve thung tih an sawi dun nasa hle a ni.
An pahnih hian “Die, My Love” tih movie chang dunin, a tihchhuah hun tur erawh la hriat a ni lo thung.