Social media in nasa takin min run mek a, kan nitin nun chu thuthar ber ber hriat turin min hmuak thei deuh reng bawk. A rintlak leh rintlak loh lam erawh kan ngaihtuah zui tawh lo tlangpui a, inenfiah kan ngai zual hle.
Kan social media tam berte hi tute emaw ‘content’ leh ‘issue’ siam chawp mai mai a ni tlangpui ni hian a hriat a, hruaikawi theihtawk lah kan lo awm ve zel bawk si. Khuahkhirh kan ngai tak zet tawh.
Media mite inhlawmkhawmna pawl lian tak, Mizoram Journalist Association (MJA) a awm a, chutah chuan nitin chanchinthar thehdarhtu leh puang thintute an awm a, anni chuan thu lai la takin, engkim thlirna lai tak hmangin an ziak a, document atan pawh a rintlak bik a ni.
Tun hnaia kan en nasat leh kan hriat nasat tam tak erawh hi chu tuteemaw ‘viewers’ ngah duhin, dan leh dun em em pawh hre chuang lova an rawn thlasik mau puah pui phawng phawngte hi an ni hlawm ta thin a, thlirtu ngah na na na chuan an ngaihdan zawm leh tawm vetu an awm bawk. Hei hi kan hnam leh ram tan hian a tha ber em tih erawh i ngaihtuah tlang deuh teh ang u.
Social media hi khawih a nuam a, en tur thar lam a awm zung zung thei bawk. Chutih rual erawh chuan kan media mi nghet sate thu leh hla erawh thulak leh rawn berah nei thiam ila, kan hnam hi tidahlau lo hram hram ang u. Media rintlak hi i thliar thiam bawk teh ang u.