Aizawl: NESIDS OTRI hnuaia hmalakna ‘Alternate Gravity Water Supply Scheme of Aizawl’ chu nimin khan Muallungthuah PHE Minister Prof. Lalnilawma’n a hawng.
Hawnna inkhawmah thu Minister Prof Lalnilawma chuan, kum 2018 atanga 2025 thlenga sorkarna siamtu party pathum leh PHE department a thawktute thahnemngaihna leh inpekna avanga project hlawhtlinna an hmu thei chu lawmawm a tih thu a sawi a. Khawl leh kawlphetha rin ngai lova awi tlan behchhan a tui lakkhawl leh sem theih tura ruahmanna chuan inrenchemna kawngah nasa takin hmasawnna a thlen ngei a beisei thu a sawi.
He project hawng thei tura hmalakna kawng a thui zia leh harsatna hrang hrang paltlang a nih thu Minister chuan sawiin, he hlawhtlinna chang thei tura inlungrual taka tanrualna leh thawhhona nen hmalakna kalpui a ni chu thawktute fakawm a tih thu a sawi a. Tui chu khawtlang hrisel nan leh hmasawn nana thil pawimawh berte zing ami a nih angin, he scheme hawnna hian Muallungthu leh a chhehvel khawtlangah hmasawnna hmel thar a thlen tir ngei a beisei thu a sawi bawk.
Teresy Vanlalhruaii, Secretary, PHED kaihhruai hawnna inkhawmah hian Aizawl Siuth III bialtu MLA Baryl Vanneihsangi pawhin thu a sawi.
‘Alternate Gravity Water Supply Scheme of Aizawl’ hi NESIDS funding hnuaiah Rs vbc 117.3035 seng a siam a ni a, a hna hi Kram Infracon Pvt leh Vikas Associates te tangkawpin an thawk a ni.