Aizawl: Mizoram Agricultural Marketing Board (MAMB) Co-Chairman Dr KC Lalmalsawmzauva, Adviser to Chief Minister chuan a hring ringawta sawhthing hralh lovin, hmun hla zawkah an thawnchhuah theih nan leh hnam dangin Mizoram ‘brand’ an lo hmelhriat theih nan hma an lak mek thu a sawi.
Thawhlehni khan MAMB hmalaknain CMERI, CDAR Post Harvest Processing and Research Centre, Airfield, Tuirialah sawhthing sawngbawl (ginger processing) dan chungchang inzirtirna hun hman a ni a. He hun hmanpuitu Dr. KC Lalmalsawmzauva chuan, sorkarin a ngaih pawimawh ber leh an sawi zin ber chu ‘farmers first’ tih a nih angin, Mizoram tharchhuahte awmze neia hralh chhuak turin theihtawpchhuaha hma an lak thu a sawi.
Adviser to chief minister chuan sawhthing pawh a hrilh ringawta hralh lo lovin, hmun hla zawkah an thawnchhuah theih nan leh hnam dangin Mizoram ‘brand’ an lo hmelhriat theihnan hmalak mek a nih thu a sawi a. Kum tluana sumdawnna nghelnghet kalpui turin tang tlang zel turin a chah.
Sawhthing sawngbawl dan inzirtirna hunah hian entrepreneur/processor MAMB hnuaia inziak lut mi 13-te chu mi thiam leh tawnhriat nei tha tak tak ten an zirtir a ni.