Social Welfare Minister Lalrinpuii’n nimin khan medical officer-te tana buatsaih, ni thum awh tur ruihhlo leh a kaihhnawih ngawlveite enkawlna chungchang zirhona buatsaih a hawng.
Zarkawt Community Hall-a National AYUSH Mission, Directorate of AYUSH leh Mental Health Programme leh Social Welfare department bultuma ‘3 Days Capacity Building Programme for Medical Officers on AYUSH De-Addiction Programme’ buatsaihah minister chuan mental health leh AYUSH thiamna hmanga tunlaia Mizorama an buaipui, ruihhlo ngawlveite enkawl tura medical officer-te training an buatsaih chu lawmawm a tih thu sawiin, Allopathy leh Ayush Medical Officers thlan bikte chu an training hlawk taka an hman theih nan rilru pe taka training turin a chah.
Hawnna inkhawmah Social Welfare Director Dr. Lalhriatzuali Ralte leh he huna resource person atana sawm, Dr. Ravindra Rao, Professor, National Drug Dependence Treatment Centre, AIIMS, New Delhi te’n thu an sawi bawk.