Kumtin fur kan hmachhawn a, ruahtui tam kum leh tlem chu a awm thei ngei mai. Ruahtui kan luanraltir nasa lutuk hi kan harhthar a, a khawlkhawmna lama tan kan lak a va ngai em.
Ruahtui kan dawn tam apiangin kan tuilakna ber Tlawng lui a nu a, bawlhhlawh leh leivung kan paih fimkhur loh vang a ni. Hei vang hian tuisem hnathawktu lamin harsatna tawkin, tui sem tur an neih loh phah a, kan khawsak thlengin a nghawng zui thin.
Ruahtui tla hi lo dahkhawl ila, a dawnna tur fel takin siam ila, in sa mekte pawhin ruahtui dawnna tur leh khawlkhawmna tur hi ngaihtuahah nei zel ila, kan inluahtute thleng pawhin kan kep theih dan hi a awm. Chutiang tur chuan ruahmanna i nei zawk teh ang u.
Nitin kumtin mihring kan pungin, tui kan mamawhna a sang zel a, kan tui tlan berin min zawh loh hun hi a thleng chho nitin dawn. Hei vang hian ruahtui khawl kan zir a, he lama tan kan lak hi a ngai. Tin, ramngaw humhalh thleng hian i tang teh ang u.
Khuarel chhiatna thlengte hi chu kan tihtheih bak a ni a, thing leh mau phun uar leh enkawlzui erawh kan tih theih a ni. A tichereutu ni lovin, a humhalh leh enkawl zuitu ni ila, sorkar pawh hian heti lam hawi zawng hian khawtinah zirtirna kalpuiin hma la se la, tuihna humhalh chungin ruahtui khawl i ching thar zel teh ang u.