Aizawl: Tlawmngai pawl Foundation For Drug-Free Mizoram chuan min khan Holy Cross School, |huampuiah ruihhlo that lohzia inzirtirna an buatsaih a, zirlai mi 390 an intiam.
He huna zirtirna petu Johny Lalthafamkima chuan zirlaite chu hmabak duhawm tak nei an nih avangin, an nunkawngah hling leh bumbohte paltlang thin mah se, tumruhna nena an nun chu ruihhlo tellova hmang turin a chah.
He hun hi Foundation for Drug-Free Mizoram Vice President Rohmingliani chuan a kaihruai a. Miss India Universe Vanlalnuntluangi chuan intiamna leh tawngtaina a neihsak.
Foundation For Drug-Free Mizoram hmalaknain, Mizoram pumah tleirawl mi 22,740 te ruihhlo laka fihlim tura zirtirna pek niin, an intiam tawh.