Aizawl: MNF General Hqrs. Elected Office Bearers leh Aizawl City MNF Block hrang hrang Office Bearers nimina Mizo Hnam Runah inhmukhawm chuan Aizawl Municipal Corporator (AMC) inthlan lo awm tur thlirlawkin, he hunah MNF President Zoramthanga chuan he inthlanah mal kal turin ngaihtuahna an hman thu a sawi.
An inhmuhkhawmnaah hian AMC inthlan lo awm tur atana an hmalakna tur hrang hrangte bakah, hmalakna tur an duan lawk a. He hun kaihruaitu MNF President Zoramthanga chuan, “AMC inthlan lo awm turah hian mal kal turin ngaihtuahna kan hmang. Pathian leh mipui zarah sorkar siam leh ngei turin kan inbuatsaih a ni,” a ti.
He hunah hian MNF General Hqrs. aiawhin MNF President Zoramthanga bakah Dr R Lalthangliana, Sr Vice President, Vanlalzawma, Vice President, Lalchhandama Ralte, Vice President leh Lalruatkima, Treasurer te an tel a. MNF City Block hruaitu thahnem tak an kalkhawm a ni.