Prime Minister Narendra Modi leh President Luiz Inácio Lula da Silva inbia chuan India leh Brazil chuan an inkara sumdawnna kalpui mek chu a let dawna tipungin kum nga lo awm leh tur chhunga $ tluklehdingawn 20 tlintir ni se an ti.
Ram pahnih hruaitute hian thawhhona huang pawh nasa taka zauhvin rem venhimna atanga technology thlenga kalpui ni se an ti bawk.
An inkawmnaah hian firfiaka chetna do kawngah tangrualah hetiang awm miah lohna tura chet lak tha an ti a, inpuih tawn zel ni se an ti.
Modi-a hi Rio de Janeiro-a Brics Summit-a a tel hnuah Brasilia panin Lula nen an inkawm a ni.
Ram pahnihte hian inremna paruk ziakin heng zingah hian khawvel huapa inzar pharh firfiakte leh pawi khawih thin pawl laka thawhhona tur te, thu pawimawh inhrilh tawnna turte pawh a tel.
Renewable energy, digital transformation-a a lian thama hmalakna tur leh lo neih lama zir chiannaa thawhhona turin memorandum of understanding (MoU) an ziak bawk.
“Vawiina kan sawihonaah kawng tin renga kan thawhho theihna tur kan sawi a. Kum nga lo awm leh tur chhungin kan inkara sumdawnna chu $ tluklehdingawn 20 tlintir ni se kan ti a ni,” tiin Modi-a hian an inbiak zawha Lula-a nen thuthar an kawmnaah a sawi.
Brazil hi South America-a India-in a sumdawnpui lian ber ram a ni a. An inkar sumdawnnaa sum che hi 2024-25 chhung khan $ tluklehdingawn 12.2 a tling a, Indian bungraw thawn chhuah hlut zawng chu $ tluklehdingawn 6.77 man a tling.
India-in a thawn chhuah zingah hian diesel, insecticide, chemical, damdawi leh engineering product a ni tlangpui a. Brazil-in India-a a thawn zingah hian tuialhthei thlitfimloh, bekang tel, rangkachak, chini, la, thing leh thir te a langsar zual a ni.
Lula-a hian Modi-a hnenah hian Brazil-a civil mi chawimawina sang ber zinga mi, Grand Collar of the National Order of the Southern Cross a hlan a ni.