Kawngchhia vangin kan buai a, kan nitin mamawh a thleng thei lo a, mitin min nghawng tan ta.
Kum dangah pawh state dang atanga kan bungraw lakluhna kawng ber hi lo chhe fo mah se, tun ang reng renga a chhiat nasat hi a la awm ngai lo a, tun anga rei kan mamawh luh theih loh hi a la awm ngai lo.
Sorkar in nitin a viltu tur an MLA leh minister te ruat ve bawk mah se, vawiin thlengin thiltha leh tul ber a ni em tih hriat a har hle a, anni ho hi sorkar sum hek zawkna an ni mai em tih thlengin ngaihtuah ngai tak a ni.
Kawng siam a nih avangin lirthei a rawn lut thei lo a, tuialhthei leh nitin mamawh hrang hrang nghei kan tam tan a, mitin nghawng thil zel a nih miau avang hian sorkar hian an chetchhiatzui phah ang tih hlauhawm tak a ni.
Heti em em a kan inkalpawhna kawng vei lo leh ngaihsak lo sorkar kan hrawn hi a pawi tak zet a, a tlai hnuah mipui lamah insawithiam tumin han bei ve bawk mah se, an mi leh sate lo chuan kan awih duh tawh lo chu a nih ber tawh hi!
Sorkar hi tang se la, inkalpawhna kawngpui hi veiin, an hna a ni emaw, company lam hna a ni emaw, vil zuiin, enzui peih chhunzawm char char tawh se la, kawngpui tha a tlan hi chu kan va phu tawh em.