Aizawl: Lawngtlai West bialtu MLA C. Ngunlianchunga chuan nimin khan NHIDCL Executive Director Alderbert Susngi hmuin, Mizoram chhim lam châk lakna leh inkalpawhna chungchang a sawipui bakah, ziakin hmalakna dan tur a theh lut.
C. Ngunlianchunga chuan NHIDCL hotute hnenah, Lawngtlai leh Lunglei inkara Bualte dai leimin avang hian Mizoram chhim lamin kawng hrang hrangin harsatna an tawk mek tih sawiin, chak zawka hmala turin a hrilh a. Lawngtlai West MLA chuan leimin lai chu kawngpuia leitla chauh paih lo vin, a chunglamah Terrace zau deuh taka hmun eng emaw zat siam hmasak a tul thu sawiin, hei hian leimin tur ven nan awmze thui tak a neih tur thu a thlen a ni.