Home Minister K Sapdanga’n tun hnaia constable lak tharte chu thlan satliah ni lo, khirh leh fimkhur taka lak an nih thu a sawi.
Tun hnaia constable lak tharte chuan Thenzawl Police Training School an thleng kim tawh a, nimin khan training hawnna neih niin home minster-in a hmanpui a. Supply Minister B Lalchhanzova’n a tawiawm.
Trainning hawnna inkhawmah K Sapdanga chuan tun tuma contable lak tharte hi khirh leh fimkhur taka lak an nih thu sawiin, “Thlan satliah an ni lo va, vawiin hian Mizoram police-in bung thar kan kai a ni,” tiin, training chhungin an rilru leh theihna zawng zawng hlan tura fuihin, mipui thlamuanpui tham police zahawm nih tum turin a chah a. Police uniform hlutzia leh zahawmzia hre turin a fuih.
Home minister chuan excise, YMA leh police te tanghoin drug leh ngawlvei do beihpui thlak an tum thu a sawi a. Drug tawlh rute mai bakah ngawlveite hian rukruk leh pawi dang an khawih thin avangin nun an tiralti a, do a ngai tih a sawi a. Home minister a nih atangin kuhva tawlh ruk nasa leh zuala an do thu te, checkgate-a apawng apuia pawisa khawn tihtawp a nih thu te a sawi.
Inkhawmah hian supply minister pawhin thu a sawi.
Tun tum Constable Basic Training hi batch 70-na an ni a, an vaiin 277 an ni a. Training hi September 1 atangin an tan dawn a. Indoor leh outdoor training chawlhkar 45 chhung an kalpui ang a. July, 2026-ah zo thei tura beisei an ni.
Training turte hi district 11 atangin mi 260 an ni.