Mizote hi hnam inhmangaih, induhsak leh hawihhawm kan ni thin. Zalenna kan ngaisang a, kan ngaihlu a, kan nun pawh a zalen a, midangte zalenna pawh kan hrethiam bawk.
Hetianga nun ralmuang taka kan awm mek zel lai hian kan rama thleng tur pawha kan ngaih ngai loh thu hriat tur kan hre ta fo mai a, mi tihbuai hreh tak ni thin khan mi rama thleng tur chauha kan ngaih thin ralthuam chelek mai duh an awm ta zeuh zeuh mai.
Intibuai ngai lo kan ni bik lo a, intihbuai pawha ralthuam leh hmanraw chelek erawh kan hreh ber a ni thin chungin chutiang thawm chu kan hre ta fo mai a, a pawi ngawt mai.
Hetiang hi mi dawihzepte thawmhnaw dik tak a ni a, khawtlang nunhona thleng pawhin ensan dan kan thiam a, mi dawihzep an nihzia tih lanna kan siam fo pawh hi a tul awm e.
Heti renga kan kal a, kan nunhona kawngah kan fimkhur lo a nih chuan kan hnam hmabak hi a eng viau lo thei a, heng mi dawihzepte thawmhnaw hrang hrang hmangtute hi nuihzata kan lak thiam chhoh zel a tul tak zet tawh e.
Hmeichhia leh naupang zawkte ralmuanga an awm chhoh zel theih nan kan ram hi ralmuangin i siam chho zel zawk ang u.