Aizawl: Dampa bial by-election lo awm tur atana Special Summary Revision of Photo Electoral Roll, 2025 chu kalpui mek niin nimin khan Draft Electoral Roll chu District Election Officer K.Laltlawmlova’n a tlangzarh.
Tlangzarh takah hian Dampa bialah Polling Station 41 awmin voter 20,405 an awm a, mipa 10,425 niin hmeichhia 9,980 an ni. Sex Ratio hi 957 a ni.
Dampa AC-a voter tlemna ber chu Zopui Polling Station niin, voters 38 an awm a, voter tam berna chu Silsury Polling Station niin voter 1089 an awm mek a ni. Service voter hi 115 an awm bawk.