West Ham United in Premier League hnehna pawimawh tak an chang a. Anni ang bawka season thara European football khelh ngei tum Wolverhampton Wanderers chu 1-0 in an hneh.
London Stadium a inkhelah Hammers tan an midfielder rinrawl Tomas Soucek chuan inkhel a goal awmchhun a khung a. Czech Republic international hian Michail Antonio ball siamsak a thai lut.
West Ham hi tunhnaia a zawna draw result an neih avangin top four a\angin an tla chhuak a. Goal khung belhna hun Wolves lakah hian nei nual mahse an khung thei lo.
Aaron Cresswell leh Declan Rise ten chance \ha an nei a, England midfielder Rice hian goal ban a pet per bawk.
Jarrod Bowen, Soucek leh Pablo Fornals te pawhin chance an nei vek a. Lehlamah Wolves in player an insiksawi an tuar a. Arsenal hmachhawntu team a\ang mi panga an thlak avangin nidanga an football khelh ang an khel thei lo.
Hnehna an chan avangin Hammers hi panganaah an chho a, Arsenal chu goal difference in an pel rih a, point hnihin Manchester United an pha lo thung. Nimahsela Gunners hi khelh thumin an chung a club pahnihte aiin an khel tlem zawk.