Lungchim takin an inkuah a, hlim takin hlim lai par an tlan a, tudang reng ngai bik lovin nun an hmang dun thin. Mite awh leh hmangaihna kawnga mi tam tak entawn nimahse anni pawh kawp reng tura duan an ni si lo, Nicole Kidman leh Keith Urban te chuan an inthenna thu an nemnghet ta.
Kum 19 zet an inneih hnuah kum 58 mi Kidman chuan September ni 30 khan a pasal kum 57 mi nena an inthenna chu a thehlut fel a, a thusawi hre hmasatute chuan thutlukna siam awlsam a ni lo, a ti niin a sawi.
Kidman hi inthenna lehkha thehluttu niin, engkim siamthat tum mahse a thei ngang lo niin a ziak nia sawi a ni a, an nupa nun chu siamthat tum hle mahse phatsan leh remna awm lo tura nasa taka hliam a nih thu a ziak tela sawi a ni bawk.
An pahnih hian fanu pahnih Sunday Rose,17 leh Faith Margaret,14 te neiin, an nu hnen lamah an awm dawn a ni.
June thla kha vantlang hmaa hmuh dun an nih hnuhnung ber niin, Kidman hian June ni 25 khan a instagram lamah an inneih kum 19 tlin lawmna a tarlang bawk a, hemi hnu lama an thawm hriat leh theih chu thenna biahthu an inhlan hi a ni ta a ni.