Kar kal ta chhunga Solan, Himachal Pradesh-a Junior Boys & Girls National Kickboxing Championship-a inlan Mizo fighter-te chuan gold medal pathum an la.
Inelnaah hian Mizoram aiawhin fighter pali leh anmahni hruaitu pahnih an kal a, an zing atang hian Lalmalsawmkima, Enok Lalrinpuia leh Lalramhlimpuii te chuan an telna huangah theuh gold medal lain Zodinsangi chuan 5-na niin medal a la phak lo hlauh thung.
Mizoram aiawha inelnaa kalte hian Nilaini khan relin Sairang an thleng a, Mizoram Kickboxing Assosication (MKA) hruaituten an hmuak a, MAIN DOJO, Zemabawk, Aizawlah Pathian hnena lawmthu sawina hun an hmang zui bawk.
Kg 52 huanga gold la, Lalramhlimpuii, Lunglei chuan Ningani khan a chenna, Electric Veng thlengin VC huaihawtin khawtlang huapin an lo hmuak bawk.
- Lalmalsawmkima (-63.5 kg) – Gold Medal
- Enok Lalrinpuia (-54 kg) – Gold Medal
- Lalramhlimpuii (-52 kg) – Gold Medal
- Zodinsangi (-45 kg) – 5th Place
Team Manager: Samuel Lalrinawma
Team Coach: Rebbecca Malsawmtluangi