Sawi neuh neuh leh thuthang mai mai chu a ni lo deuh niin a lang. Zaithiam Katy Perry leh Canada prime minister hlui Justin Trudeau te chu kartawp khan inhaw lo taka chawlh an hmang dun lai hmuh dun an ni.
Kum 40 mi Perry leh kum 53 mi Trudeau te hi inhaw lo takin an inkuah a, inhmachhawn zawng leh Trudeau-a’n hnung lam atanga a kuah lai thlalak hmuh tur a tam hle a, an chawlhna hmun hi puanzar chiah a ni lo thung.
Anni pahnih hi July thla atang khan an inzui thuthang awm tanin, hei hi Katy pasal then hlimchhawn lai a ni a, anmahni lam chuan official-in thuchhuah engmah la siam lo mah se, an inzui ngei nia fiah theihna tur a awm chho tam tawh hle.
Tarlan tawh thin angin Trudeau pawh hian kum 18 zet an inneih hnuah kum 2023 khan a nupui Sophie Gregoire chu thenin, fa pathum an nei man a ni.