Spain hmarchhak lam, Catalonia region-a ruah tam tak sur avanga tui lian vangin mi tam tak an lirtheiah an tang tih thuneituten an sawi.
Social media-a video darhah chuan ruah bawhawk sur hian Tarragona province-a Ràpita leh Santa Bàrbara khuaah hnawl leh chirh tam tak lenin an hmaa awm apiang an len zel tih a lang.
Spain-a khawchin thlirtu, AEMET chuan vaukam hrul province-ah inralrinna sang ber a tichhuak a. Hetih lai hian thi leh hliam erawh an awm hriat a la ni lo.
Catalonia-a Civil Protection agency chuan Tarragona-a Ebro Delta-a chengte chu pawn chhuak lo turin an ngen a, AEMET chuan ruah hi darkar 12 chhungin mm 180 sur thei turin an sawi lawk.
Barcelona leh an thenawm, Valencia region-a Valencia-a relte pawh Mediterranean Corridor tuipui kamah chuan tlantir rih lo an ni.
Balearic Islands telin Spain chhimchhaka region pathumah chuan ruah nasa takin a sur a, tui a lian nasa hle bawk.
Khaw awm dan uchuak tak hi Mediterranean khawthlang lama Storm Alice-in a thlen a ni.