AZL: YMA Inkhawmpui Lian vawi 75-na, October 21-23, 2025 chhunga Chengkawlawn Run, Sakawrdaia neih turah Lalduhoma, Chief Minister chu khuallian a ni dawn.
Thawhtanni chawhnu khan Central YMA Committee Room-ah Central Executive Committee ( CEC) meeting neih a ni a. Lalhmachhuana, President-in kaihruaiin inkhawmpui neih tura hun hman dan tur programme pawm fel a ni.
Tun term kal mek (2023-25)-a CEC thutkhawm hnuhnung ber tur tan hma hian Central YMA-in ruihhlo dona atana a mamawh motor (Ecco Van) a lei thar chu Lalbiakzuala, CEC & president hluiin khuh hawngin Pathian hnena hlanna hun a hmang bawk.
Meeting-ah hian inkhawmpui atana tul leh pawl chhung inrelbawlna thilte rel a ni bawk.