Aizawl: Mizo Writers Association buatsaih, Lehkhabu Pho Rûnpui tum ngana (LPR -5) chu Vanapa Hall-ah neih zel a ni a, October ni 13, 2025 (Thawhtanni) thleng, ni li chhunga lehkhabu hralhna man atangin Rs 5,86,323 hmuh a ni tawh.
Lehkhabu pho rûnpui tan ni, October ni 9-ah Rs. 1,69,588 hmuh a ni a, October ni 10-ah Rs.1,73,755 man hralh a ni a, October ni 11-ah Rs.1,35,650 leh Thawhtanniah Rs 1,07,330/- man hralh a ni bawk.
Lehkhabu pho rûnpui hi October ni 16, 2025 (Ningani) ah a tawp dawn a, a tawpniah hian zan dar 9 thleng hawn tur a ni ang.
Vanapa Hall-a ziak mite kut chhuak pho chhuahah hian ziak mi 124 zet kut chhuak pho chhuah a ni. Niminah pawh tlawhtu an la tam zel a, a buatsaihtute chuan chawhnu lam, tlai lamah tlawhtu an tam zual zel niin an sawi.