Aizawl: Champhaia Hnahsin Kût 2025 buatsaihah chhimtu mi nuai khat chuang an tling a. Kût avanga Champhai leh a chhehvel bawra sum che vel leh lut chu Rs vbc 15 vel nia chhut a ni bawk.
Hnahsin Kut Organising Committee, Champhai-in an thuchhuaha an tar lan danin Hnahsin Kut 2025 event tan hma, September thla tawp atangin hnahsin hmun tlawhtu khawtual mi leh khualzin thahnem tak an awm tan tawh a. Chutiang zawng zawng nena chhutin Hnahsin Kût chhimtu/tlawhtu (footfall) hi mi 1,20,000 anga chhut a ni a. Kût tawp zan, Mualnuam concert chu mi 42,000 velin an chhim nia chhut a ni.
Kût buatsaih hmun chhung dawr neitute inhralhna belhkhawm chu Rs. nuai 200 vel a ni a. Taxi (four leh two wheeler) te, motor sil te, restaurant te, venue pawna kawng sir leh mahni compound chhunga thil lo zuarte, Champhai Bazar-te, Aizawl Champhai kawnga hotel/restaurant-te leh nepnawi zuarte, Zokhawthar leh a chhehvela lirthei leh sumdawng te inhralhna zawng zawng hi nuai za tel niin an sawi.
Champhaia hotel, guest house leh homestay te sum lakluh belhkhawm hi Rs nuai 140 vel a ni a, khualzin an thlen zat belhkhawm, a neitute sawi danin Mizoram chhung mi 5,100; Mizoram pawn mi 805 leh India ram pawn mi 56 an ni a, he mi let tam tak hi mahni chhungte, thiante leh thawhpuite hnena thleng an ni bawk.
Kût avanga Champhai leh a chhehvel bawra sum che vel leh rawn lut hi Rs nuai 1,500 (vaibelchhe 15) vel nia chhut a ni.