Kan ti nek nek a, October thla chu a zo leh mai dawn ta a. Kartawp inkhel hmuhnawm leh phurhawm tura ngaih a indawt chho zut zut bawk.
Mithiamte sawi danin, inkhel boruak a sosang a, a tang viau tawh anih chuan mipaah hormone chak tak, ‘Testosterone leh Adrenaline’ siam chhuah a pung nghal, tih a ni.
Hetih laia pasal emaw kawppuite team tan zawkin hnehna an chan phei chuan zan lam boruak a ‘hit’ thei hle a, hlim takin zan an tum tawi thin.
Chutih laiin, an team tan te an chak loh hlauh erawh chuan Zu in emaw thil ho te te-a thinrimna tur leh vui-vaina tur ringawt an zawng tawh mai thin bawk.
Mipa zawkina a team tan te an chak loh hian harsatna hi a kal thui duh hle a, hormone pawimawh tak kan tihte hi an tlahniam nghal duak.
Phurna a zuai a, nupa nun hmanna thlengin nghawng duhawm loh tak a thlen tih a ni.