AZL: India hmarchhak huap Commonwealth Parliamentary Association (CPA) India Region Zone-III Conference vawi 22-na, Kohima, Nagaland neih mekah Speaker Lalbiakzama hoin MLA leh Assembly official eng emawzat an tel.
Pathianni atanga Ningani chhunga neih tur CPA Conference-ah hian Mizoram atangin assembly speaker, Deputy Speaker Lalfamkima leh MLA pathum – Dr. Lorraine Lalpekliana Chinzah, Adviser to C.M T. Lalhlimpuia leh Jeje Lalpekhlua te bakah assembly secretariat atangin Addl. Secretary Lalthangmawia bakah officer leh staff eng emaw zat an tel bawk.
Conference hi Lok Sabha Speaker Om Birla-a’n a hawng a, Thawhtanni khan ‘Vikshit Bharat, 2047 tihlawhtling tura MLA te mawhphurhna’ tih thupui hmangin inkhawm a awm a, Mizoram atangin Speaker Lalbiakzama leh Dr. Lorraine Lalpekliana Chinzah, MLA, Adviser to CM ten thu an sawi.