Aizawl: Social Welfare Minister Lalrinpuii’n Ningani khan sorkar program ngaih pawimawh berte zinga mi, ‘Ruang Phurh’ online portal chu Aijal Club-ah a hawng.
‘Ruang Phurh online portal hi Mizoram State e-Governance Society (MseGS), ICT Department siam a ni a, ruang phurh sorkar sum hmanga kalpui mek chu chak zawka kalpui a nih theih nan leh mi tam zawkin awlsam zawk a an chhawr theih nan ruahman a ni.
Rinpuii chuan sorkarna an siam hma pawh a an lo ngaih pawimawh tawh, manifesto-a an neih tihhlawhtlinna a ni tih sawiin ruang phurh scheme tluang taka hmasawn zawnga kalpui theih a ni ta chu lawmawm a ti a, MSeGS nen tha taka an thawhho avanga lawmthu sawiin portal hi hmang tangkai turin mi zawng zawng a sawm a, tihchangtlun zel a nih tur thu a sawi bawk.
Ruang phurh online portal hi GooglePlay leh App Store atanga download theih niin Ningani thlenga ruang phurhna application lut tawh zat hi 1,680 a ni a, Rs. nuai 175.85 pek chhuah a ni tawh bawk.
Hawnna inkhawm hi Lalzarmawii Commissioner & Secy, SWWCD-in a kaihruai a, MSeGS mi thiamte hnen atangin technical report ngaihthlak a ni bawk.