Red Sparrow movie-a a changtunu Jennifer Lawrence chuan a film chan tawha chan harsa a la tih ber chu Red Sparrow a nih thu a sawi.
Kum thar kar hmasa berah khan Lawrence hi a film chan hrang hrang chungchang zawhna New York-ah an nei a, hemi tum hian Red Sparrow chu chan harsa leh hrehawm a la tih ber a nih thu a sawi chhuak.
Kum 35 mi chuan, ‘Russian aw phawi ka zir a ngai a, kha ringawt phawt kha harsa ka titawp thei lo. Ka character tur atan khan thla tam tak chhung training ka nei tlauh tlauh bawk,’ a ti.
Tin, JL chuan Red Sparrow an chan lai khan vawi tam a tamchhawl thu a sawi a, ka riltam tak tak zel kha mak tak a ni, a tih bakah, nasa taka a in diet thu a sawi tel bawk. Red Sparrow chu Hunger Games aia pawha chan harsa leh hautak a tih thu a sawi.