Cricket Association of Mizoram (CAM) leh Samagra Shiksha Mizoram thawhhona hnuaia buatsaih, Grassroot Cricket Tournament chu Ningani khan khelh zawh niin mipaah Govt. Midland Comprehensive School, Serchhip chu champion-in hmeichhiaah Govt. Nepali Middle School, Khatla an champion bawk.
Hmeichhe final-ah Govt. Nepali Middle School hian Govt. Bethlehem Vengthlang MS-I chu wicket 10-in an hneh a. Mipaah Govt. Midland Comprehensive School hian Govt. Chhinga Veng MS run 16-in an hneh bawk.
Final hi Education Minister Dr. Vanlalthlana’n khuallian niin a hmanpui a. Cricket chu eizawnna tlak a nih thu leh zirlai naupangte lehkha tha taka zir chunga infiamna lamah a kal theih thu sawiin cricket chu bansan lova taimaka khel zel turin a chah.
CAM Secretary Lalfakawma Varte pawhin thu sawiin Grassroot Cricket School chu an hlawkpui thu sawiin Mizoram age level team-ah player an awm nual thu sawiin cricket chu eizawnna tha tak a nih thu a sawi bawk.
Grassroot Cricket School-ah hian sikul 13 thlan niin tournament-ah hian 11 an tel thei.