Aizawl: Union DoNER Secretary Chanchal Kumar-a’n Thenzawla hmasawnna hnathawh tur hrang hrangte tlawhin a enfiah.
Mizoram tlawha zin Union DoNER Secretary hian Zirtawpni khan Thenzawl tlawhin, Helipad leh Heliport siamna tur te, Thenzawl Peace City Greenfield Development siamna tur leh Thenzawl Venghluna Handloom Cluster te a tlawh.
Thenzawl Golf Course & Resort-ah sorkar hotute leh Thenzawl khawtlang hruaitute a kawm a. He hunah hian Thenzawl Peace City hnuaia hmalakna pakhat Greenfield Development siamna tura hmalakna, Power Presentation hmangin Nelvin Raphael, Senior Architect & Urban Expert, IPE GLOBAL chuan entirin, a sawifiah a. Thenzawl Vengthara Helipad & Heliport siamna tur leh Greenfield Development siamna hmun tur a tlawh nghal a ni.
Kumar hi Planning & Programme Implementation Secretary, Lalmalsawma Pachuau, Serchhip Bawrhsap Paul L Khuma, Additional DC Lalrinzuala leh mi pawimawh dang ten an tawiawm a ni.