Green Day chuan thawm an neih loh vang vang hnuah Super Bowl khuhhawnna an inlan tur thu an sawi.
Kum 1987 a din Green Day te hian Super Bowl lo awm tur khuhhawnnaah an hla lar hrang hrang an sa chhuak dawn a, Super Bowl kum 60 tlin lawmna a nih nghal dawn avangin ropui taka hun hman an tum thu an sawi.
An frontman Billy Amstrong chuan Super Bowl khuhhawnna an inlan thei tur chu lawmawm a tih thu leh a phur tawh thu sawiin, an band pawhin theihtawp chhuaha mit leh beng titlai ngei tura chet lak an tum thu a sawi a ni.
Hawnna hun hi February ni 8 ah Santa Clara, California-a Levi’s Stadium-ah neih tura ruahman a ni bawk.
NFL lam ruahman dan chuan he khuhhawnna leh kum 60 tlinnaah hian NLF Legends te inlan tura beisei niin, Super Bowl LX khuhhawnna leh mipui hip theih dan tur bera chetlak tum a ni.