Kumin Grammy Awards-a zai tur pawh a hriat belh zel a. Chung zingah Sabrina Carpenter pawh performer tur zingah tihfel a ni ta.
February 1, 2026-a Grammy Awards show neih tura zai tura an tihchian thar ber, Sabrina Carpenter hian he award ngaihhlut hlawh takah hian award pahnih a lo dawng tawh. Kumin hian award paruk dawng thei turin a hming a chuang.
Sabrina hian kuminah Record Of The Year (Manchild), Album Of The Year (Man’s Best Friend), Song Of The Year (Manchild), Best Pop Solo Performance (Manchild), Best Pop Vocal Album (Man’s Best Friend) leh Best Music Video (Manchild) huangahte award a dawng thei a ni.
Sabrina bakah hian performer tur dangte pawh la puan chhoh zel tur a nih hmel.
2026 Grammy Awards-ah hian Kendrick Lamar hming a langsar ber a, a ni hian nomination pakua a hmu a. Lady Gaga bakah producer pahnih – Jack Antonoff leh Cirkut te’n pasarih an hmu a. Bad Bunny, Sabrina Carpenter, Leon Thomas, leh engineer Serban Ghenea te;n paruk; Clipse, Doechii, SZA, Turnstile, leh Tyler, the Creator leh producer – Souwave leh Andrew Watt te’n panga an hmu theuh bawk.
2026 Grammy Awards hi Fulwell Entertainment chuan a produce dawn a. Ben Winston, Raj Kapoor, Jesse Collins, leh Trevor Noah te chu executive producer-te an ni.