Hlawhtling tak ni tur hian taimakna bakah vanneihna te pawh a tel fo thin. Chu taka chu Eminem dinchhuahna kawnga langsar pakhat a tling.
Tunhnaia Super Bowl halftime inlanna khan nasa taka vawrh kang lehzualin, rimawi khawvel chanchina gold & platinum certified single ngah ber artist a ni ta.
Recording Industry Association of America (RIAA)-in nimin khan Eminem-a’n Gold & Platinum thar maktaduai 73.5 a hawlh tling ta tih puangin; The Shady/Aftermath/Interscope artist hi RIAA chanchina Gold & Platinum kai nasa ber artist a nih thu khawvel hriatah a tlangzarh.
Eminem hian RIAA Diamond awards paruk (album pathum leh single pathum) hmangin rimawi khawvela artist hlawhtling ber zingah a invawrh chhuak ta a ni a, unit thar hralh chhuahzat hi maktaduai 73.5 a ni der mai.
Heti hian RIAA career total hi maktaduai 227.5 ni tawhin, single bikah maktaduai 166 leh album-ah maktaduai 61.5 a tling ta bawk. Eminem-a record tluk pha tur leh khum hi thil awlsam tak ni dawnin a lang lova, a hnung zui thlengin a hautak chho hle ang.
RIAA hian A tir lamah Gold bik hi unit 500,000 hralh thei kutah hlan niin, tun hnu ah Platinum Award (1,000,000 plus), Multi-Pla-tinum Award (2,000,000 plus) leh Diamond award (10,000,000 plus) siam a ni leh a, artist te music hralh chhuah dan atangin a pe thin a ni.