North Korea ram hruaitu Kim Jong Un chuan an ram chu US nen an inkar siamthat theih reng a nih thu sawiin, mahse South Korea chu Washington nen an inkar an titha reng a nih chuan an hmelma a la nih reng tur thu a sawi.
An ram party congress pawimawh tak an neih tawp lamah he thu hi Kim chuan sawiin, Washington chu an nuclear power neih zah turin a ngen a, US nen chuan thiantha an ni thei reng nia sawiin, inzahtawnna an phut thu a sawi a ni.
Kan ram hmelmate hi min beihpui a, kan constitution-te hi min zahsak phawt chuan US nen hian thiantha kan ni thei reng a, kan inrem lohna chhan tur a awm lo, Kim-a chuan a ti niin Korean Central News Agency (KCNA) chuan a tarlang.
Hetih lai hian an thenawm, South Korea erawh an hmelma an la ni reng niin a sawi thung a, Washington leh Seoul hian inzawmna nghet an neih chhung chu an ram chuan a pawm theih ngai dawn loh thu sawiin, ralthuam an nei tha tawk tih an lantir zui bawk.