March 29, 2026 kha Kristiante ni pawimawh, Jerusalem-ah Lal Isua lal anga a luhna ni, chawimawia a awmna ni, ‘Tûmkau Ni’ (Palm Sunday) a ni a. Kohhran hrang hrangten zingkarah tûmkau chawia kawngzawhin Lal Isua faka zaiin Lal Isua chawimawina thu chhamin an au rual.
Presbyterian Kohhran chuan Tûmkau Ni pual thupui thlan bik hmangin Pathian thuchah an ngaithlain an zirho a, Naupang Sunday School-ah pawh he ni puala buatsaih zirlai an zir.
Pathianni chawhma inkhawmah ‘Lal inngaitlawm chu’ tih thupui hmangin Pathian thuchah ngaihthlak a ni a. Chawhnuah ‘Lal Isua kalna kawngah puante an phah’ tih leh zan inkhawmah ‘Isua chu ropui takin a lo kal leh ang’ tih thupui hmangin Pathian thuchah ngaihthlak a ni bawk.